Sezon Siklònn

Enèji Pwòp vle ba nou konsèy li konsènan sezon siklònn lan.

Tout moun konnen ke sezon siklonn pou Ayiti toujou komanse nan mwa Jen rive nan fen mwa Novanb. Se rale ti chez ba w pou li konsey k ap itil nou tout nan moman siklonn lan. Se pridans ak vijilans ki sove lavi.

Konsey avan siklonn lan rive:

Komanse koupe branch bwa ki pre fil elektrik ak fil moyen tansyon e bas tansyon yo. Sa pral evite danje le siklonn lan rive nan antouraj nou.

Kiyes ki responsab pou koupe bye bwa yo? 

- Si pye bwa yo se nan lari oubyen nan yon lye piblik, le sa se ap devwa Eneji pwop pou vini koupe branch branch bwa ki pre fil elektrik ak poto yo yo pou asire pwoteksyon tout moun nan moman siklonn lan.

- Si pye bwa a se lakay prive ou, le sa ou gen responsabilite pou koupe branch bwa ki pre poto ak fil elektrik yo.

Kisa ou dwe konnen avan ou koupe branch pye bwa yo ki pre fil ak poto elektrik yo?

a) Le Emondaj ap fet pre fil ak poto elektrik yo, se fe Eneji pwop konnen de fason pou li off konte a pou evite dega ki kapab fatal pou ou ak antouraj ou.

b) Eneji Pwop la pou bay enstriksyon ki distans ki dwe genyen ant poto ak fil elektrik yo le gen emondaj.
Note ke distans ki rekomande se 3 rive jiska 5 met de distans

Konsey pandan moman siklonn lan:

Li bon pou evite chaje frijide ou ak twop manje ki ka gate fasil si toutfwa Eneji Pwop koupe kouran an pou rezon sekirite akoz siklonn lan.

Lot enfomasyon ki enpotan, se asire ke kay ou pa koule kote ki gen enstalasyon elektrik yo. Li t ap mye pou repare kote ki gen twou yo avan siklonn lan.

Toujou enfome Magazen Eneji Pwop si ou we kay yo koule pou nou etenn konte a avan siklonn lan paske si konte a boule, se ou menm antanke kliyan k ap dwe peye pou ranplase li.

Eneji pwop pral toujou fe tchek pou asire tout enstalasyon yo anfom, men si anouraj la we yon poto, bwat konte ou limye nan lari ki enstab, enfome Eneji Pwop poun ka pran mezi pou sekirize li.

Konsey apre siklonn lan fin pase:

Avan nou fe netwayaj lakay nou ak nan lari a, nou dwe fe anpil pridans ak vijilans paske nan moman siklonn lan te pase a, van ka rache ni branch ni pye bwa al frote ou tonbe sou fil kouran ki alantou yo ak poto yo e sa ka lakoz anpil dega.

Se rete lwen fikl ki tonbe ate, ki tobe sou pye bwa, se kite Eneji Pwop fe travay li pou rezoud sa byen rapid.

N ap mande pou nou toujou pran pasyans ak Eneji pwop le gen kote ki pa ko gen kouran akoz dega siklonn lan, rezo a ka afekte nan moman an e pa enkyete nou, Eneji pwop ap repare sa. Se pran pasyans pou nou souple!

Pataje atik sa, le sa w ap pwoteje fanmi ou ak antouraj ou.