Apre lekòl, se chache yon pwofesyon pou aprann selon kilti kote w ap viv la, byen souvan nou tande : mesye sa se yon chapantye, li se yon mekanisyen oubyen li se yon elektrisyen. E bò kote medam yo, nou kapab jwenn : Li se yon sekretè, li se yon enfimyè oubyen li se yon madan sara.
Jiska prezan, nan sosyete ayisyènn lan, yo konsidere fanm yo kòm poto mitan, men an reyalite, yo toujou fè konnen ke gen kèk metye ki se pou fi e gen kèk metye ki se pou gason, sitou nan seksyon pwofesyonèl ki nan zònn riral yo e ki pa bay medam yo menm konsiderasyon ke yo bay mesye yo. Byen souvan se akoz de kwayans estereyotip yo, ki kontinye ap pèsiste.
Devlopman dirab yon kominote pa fèt selman ak gason, oubyen li pa fèt selman ak fi, se tout kouch nan sosyete a ki pote kontribisyon yo nan kelkeswa metye ou byen pwofesyon yo chwazi pou yo ka kreye yon pi bel avni.
Jodi a ki se 8 mas 2023, jounen entènasyonal dwa fanm, ki genyen kom tèm li : « Pou yon mond dijital enklisif : inovasyon ak teknoloji pou egalite nan sèks yo». Tem sa vle fè referans sou amelyorasyon kondisyon fanm yo nan inovasyon, nan chanjman teknolojik yo ak edikasyon nimerik yo ki daktyalite nan moman sa yo. Sa pral pèmèt yo jwenn bonjan egalite nan sèks yo ak otonomizasyon fanm ak fi yo, sitou nan zònn riral yo.
E pou nou apiye tèm jounen entènasyonal dwa fanm lan, Enèji Pwòp, ki se yon antrepriz ki espesyalize nan pwodiksyon elektrik ak nan vann kouran, vle ankouraje medam yo dèzaprezan aprann metye teknik la, ki se elektrisite .
