Rosanne Jean Jacques
Anbasadris rezo, Lezangle

Rosanne se youn pami pi ansyen manb ekip la, pwiske se an avril 2012 li te rejwenn Enèji Pwòp kòm sipevizè pou atelye recho mirak. Kan pwojè rezo elektrik la te kòmanse, li te vin anbasadris rezo Les Anglais. Li te fè etid li nan Les Anglais ak Pòtoprens. Li renmen travay avèk Enèji Pwòp paske dirijan yo gen respè pou tout anplwaye. Lè li pa travay li jere biznis li ak kreye lòt aktivite.

Gidlet Francois
Teknisyen rezo Tiburon

Pierre-Mareus François
Teknisyen rezo Lezangle

​​Se sou non Jude ke majorite moun Lezangle konnen Pierre-Mareus! Li te fe etud li nan Cœur-Unis lekòl pwofesyonèl nan Pòtoprens.  Premye eksperyans li avèk Enèji Pwòp  te komanse an avril 2018, kan li te rekrite avèk 4 lòt teknisyen pou reparasyon rezo elektrik la aprè siklòn Matthew. Kounyea, se li ki okipe pòs teknisyen rezo Lèzanglè. Avan li te rejwenn ekip la an jiyè 2018, li te fè plizyè lòt eksperyans paske se pa selman branch elektrite li te etidye. 
Jude gen plizyè  lòt pasyon, aprè elektrisite, pami mekanik.

Adrien Forestal
Ajan sekirite Lezangle

Adrien rejwenn ekip Enèji Pwòp la an desanm 2014 kòm ajan sekirite pou rezo Les Anglais. Li te aprann metye mason nan Metalics Potoprens. Avan Enèji Pwòp li te travay kòm ajan sekirite pou yon antrepriz nan pòtoprens. Li renmen travay avèk Enèji Pwòp paske dirijan yo respekte anplwaye, e li kontan pou li travay pou kominote a. kom lwazi li jwe mizik twoubadou.

Fritz Bozil
Ajan sekirite Lezangle

Se an Me 2016 ke Bozil te rejwenn ekip Enèji Pwòp la, kòm ajan sekirite pou rezo Les Anglais. Li te etidye nan lekòl Presbyteral Les Anglais. Avan Enèji Pwòp li te travay kòm sekirite pou konpayi Costima, konpayi Job ak nan meri Lèzangle. Li renmen travay avèk Enèji Pwòp paske lap fe yon bèl travay nan Lèzangle. Lè li pap travay li fè aktivite jaden lakay li, jije ak patisipe nan gagè.

Omilia Edmond
Anbasadris rezo Tiburon

Fanmi Enèji Pwòp la te akeyi Omilia  an mas 2019 kòm Anbasadris rezo nan Tiburon. Li etidye sekretarya nan lekòl komèsyal Julien Crann Okay. Avan Enèji Pwòp li te travay nan Kominote Limyè Coteaux ak nan Mairie Tiburon. Li renmen travay avèk ekip la paske yo ta renmen nou tout aprann tout bagay o nivo se sistèm lan.

Joel Joseph
Ajan sekirite Tiburon

Joël rejwenn ekip Eneji Pwop la nan mwa novanm 2018 kom Ajan sekirite pou rezo Tiburon. Li te fe etid pwofesyonel Tiburon nan mason. Avan Eneji Pwop li te travay kom sekirite nan konpayi Digicel, Kati ak Medair. Li renmen travay pou li ka reponn ak bezwen li paske le li pap travay li pa santi li byen.

Julien Antoine
Ajan sekirite Tiburon

Julien te komanse travay avek Enèji Pwòp an tan ke ajan sekirite sou sit konstrikyon santral soley Tiburon an avril 2018. Kan rezo a te rantre an operasyon, li te toujou fe pati ekip la. Avan li rejwenn ekip Enèji Pwòp la, se sou anten Digicel Tiburon la ke li te kon fe ajan sekirite. Kan li pa ap travay, Julien renmen bay blag, ale nan jaden li epi sa okipe bet li nan patiray.

Marie Grecia Cesar
Responsab zòn 1 e fasilitate travay predevlopman

Grecia rejwenn ekip Enèji Pwòp nan mwa septanb 2015 kòm ajan de vant, e an 2017 jiska dat li travay kòm asistan administrativ e projè. Li te etidye syans administrativ nan Inika e jesyon otelyè nan Intec nan Pòtoprens. Men avan li te rejwenn ekip Enèji Pwòp la, li te fe pakou pwofesyonel li nan plizyè antrepriz deja. Li te travay kòm ajan de maketin nan konpayi Carolina, li te asistan administrativ nan Intec e palaswit li te vin kòdonatris nan konpayi kominikasyon Tel Info. Li renmen travay ak Enèji Pwòp paske se yon antrepriz ki vle pote yon potansyèl chanjman e devlopman nan kominote a.

Junot Fanfan
Staje/ asistan teknisyen

Junot se yon staje/asistan teknisyen ki te komanse eksperyans li avek Enèji Pwòp an oktob 2019. Se nan lekol Justin Auguste, nan Delmas, Potoprens ke li te etudye elektriste. Avan Enèji Pwòp, li te kon fe enstalasyon elektrik nan kay moun yo. Li renmen fe pati ekip Enèji Pwòp paske li se moun Les Anglais e li renmen travay lap fe nan kominote a. Le li pap travay avek elektrisite, li kon fe komes, travay mason, ouswa travay jaden.

Tamarra Dorismond
Anbasadris rezo Lakawann

Maxene Loresca
Responsab genr e mobilizasyon kominote

Maxene te rejwen ekip Enèji Pwòp la an desam 2025, e li yon aktè kle nan angajman sosyal ak pwomosyon egalite nan kominote kote Eneji Pwòp ap travay. Avèk yon apwòch ki santre sou respè, dyalòg, ak patisipasyon dirèk, li jwe yon wòl esansyèl nan konekte pwojè enèji dirab yo ak bezwen reyèl fanmi ak gwoup lokal yo. Nan travay li , Maxene fasilite patisipasyon fanm, jèn, ak gwoup souvan neglije yo nan tout etap pwojè yo.
Maxene gen yon eksperyans solid nan animasyon kominotè, fòmasyon patisipatif, ak devlopman estrateji ki ankouraje lidèchip lokal. Li angaje pou kreye espas kote tout moun santi yo tande, respekte, epi gen kapasite pou kontribye nan chanjman pozitif.

Marie Clennecy Beauvais
Responsab zòn e mobilizasyon kominote​

Marie Clennecy se yon poto mitan nan travay sosyal ak operasyon teren Eneji Pwòp nan depatman Grand’Anse. Avèk yon konpreyansyon pwofon sou reyalite lokal yo, li jwe yon wòl estratejik nan konekte solisyon enèji dirab yo ak bezwen chak kominote kote pwojè yo ap devlope. Marie Clennecy kowòdone aktivite sou teren yo, fasilite dyalòg ak lidè lokal yo, epi asire ke kominote yo patisipe aktivman nan tout etap pwojè yo. Travay li pèmèt pwojè yo avanse avèk respè pou kilti lokal, transparans, ak kolaborasyon sere ak popilasyon an.

James Christopher Forestal
Responsab teknik

Se nan mwa out 2025 ke Christopher te angaje antan ke responsab teknik Eneji Pwòp, kote li jwe yon wòl kle nan bon fonksyònman enstalasyon enèji yo. Li sipèvize elektrisyen ak teknisyen yo pandan fòmasyon ak enstalasyon, epi li asire ke tout travay fèt ak sekirite, presizyon, ak respè pou estanda teknik yo.
Christopher sipèvize tout aspè teknik operasyon yo, depi konsepsyon rive nan eksplwatasyon, epi li veye sou pèfòmans, konfòmite, ak bon dokimantasyon travay ki fèt. Rigo li, kapasite li pou rezoud pwoblèm, ak angajman li pou sèvis kominote yo fè li tounen yon poto mitan nan misyon Eneji Pwòp.