​Ki sam dwe fe pou vinn yon kliyan Enèji Pwòp?

Pou ou ka vinn yon kliyan, komin ou dwe deja genyen yon mikwo-rezo ki opere pa Enèji Pwòp. Si Enèji Pwòp deja prezan, pwosesis la byen senp:

1. Ale nan Magazen Enèji Pwòp ki nan lokalite ou. Mande anbasadris rezo a pou enskri ou pou yon nouvo enstalasyon.
2. Anbasadris la pou pral pran non ou, telefon ak adres ou.
3. L ap gen poul relew e pase lakay ou pou fe yon anket avew. Apre anket la, lap enfome w ou ki sevis kouran kap pi bon pou ou, epi lap gen pou di w ki le ou ka peye fre enskripsyon an.
4. Yon teknisyen ap gen pou l vinn fe enstalasyon lakay ou oubyen nan biznis ou e fe yon branchman ak yon konte. 
5. Kan enstalasyon an fini net, wap siyen yon kontra nan Magazen Enèji Pwòp, e nap mete konte ou ON pou ka komanse fonksyone ak kouran an. 
6. Kounyea ou ka komanse sevi kouran Enèji Pwòp net ale!

Kijan sistem kouran an mache nan rezo Enèji Pwòp?

Rezo elektrik Enèji Pwòp itilize plizye sous enèji: pano soley, batri ak delko dyezel. Li gen invete tou.

• La jounen, kan gen soley, batri yo ka chaje epi an menm tan nou ka pwodwi elektrisite pou kliyan yo itilize.
• Leswa, kan soley kouche, se batri yo, ki te chaje pandan jounen an kap dechaje pandan gen kouran.
• Si nivo chaj batri yo desann yon nivo ki komanse ba anpil, delko pwal demare otomatikman pou rechaje batri yo e kontinye bay vil la kouran.
• Delko a pral kanpe kan batri yo rive yon chaj ki nomal e sifizan. 

Klike isit pou jwenn yon dokiman ki eksplike sa plis an detay. 
​

Kijan sistem prepeye a fonksyone?

Enèji Pwòp itilize yon konte prepaye ki rele SparkMeter  e ki se yon konte  entelijan e ki ka kontwole a distans. Kan ou gen kredi kouran ki se plop plop, sou kont ou, wap kapab sevi elektrisite a nomalman, men osito kredi a fini, ou pwal gen blakawout lakay ou. Kidonk asire ou toujou gen kredi sou kont Enèji Pwòp paw la. 
Pou konnen ki nivo balans plop plop ou, gade sou aplikasyon Eneji Pwop la ki sou telefonn ou an oubyen ou kapab pase nan Magazen Enèji Pwòp la tou pou fe sa. Si se plop plop wap bezwen, mande yon revande vann ou plop plop pou ka gen kouran.

Mwen vle achte kouran. Ki sam dwe fe?

Ebyen li tre senp. Gen plizye fason ou ka achte kouran:

1. Pase nan Magazen Enèji Pwòp nan kominn ou an e achte avek anbasadris la.
2. Achte avek yon revande kouran ki anrejistre avek Enèji Pwòp. Ou ka gen lis revande yo nan Magazen. 
3. A trave MonCash. Si w gen yon kont MonCash, gen kek etap ki byen senp pou ou ka achte kouran. Klike ISIT pou konnen ki pwosesis pou fe sa.

​E si mwen te vle travay nan konpayi Enèji Pwòp, ki sam dwe fe?

Si ou vle jwen ekip Enèji Pwòp, rete konekte sou rezo sosyo li tankou facebook, twitter ak sit web sa a.
​Kan gen yon post, nou pwal poste li sou rezo sosyo yo epi ou ka fe aplikasyon si ou kalifye. 
Si ou rete nan vil kote Enèji Pwòp opere, nou konn mete afich epi sa fe anons nan vil la si nou bezwen rekrite nouvo estaf.