KOMAN NOU ARIVE PWODWI KOURAN?

Kouran se yon bagay esansyel pou fe anpil aparey elektrik fonksyone. Yon anpoul, yon frize oubyen chaje telefon yo, eksetera e yo mande elektrisite pou nou kapab itilize yo.
Men eskew sonje kijan nou ka pwodwi kouran an?
Nan ti video sa ki anba a, lap eksplike w plizye fason ki ka pwodwi kouran. 
Kan ou fin gadel, eske kounye a wap kapab devine kijan Enèji Pwòp pwodwi kouran nan Lezangle ak Tiburon? 

KI JAN REZO ENEJI PWOP LA FONKSYONE?

 Rezo elektrik Enèji Pwòp yo, nou rele yo mikwo rezo. Yon mikwo rezo se yon sistem kouran ki pi pitit ke yon rezo eletrik tradisyonel (tankou rezo EdH la) e ki genyen pwop fonksyonman pal. Mikwo rezo Enèji Pwòp yo pa bezwen lot rezo elektrik pou yo ka fonksyone, paske yo menm yo pwodwi elektrisite a pati plizye sous enèji. 

Ki sous eneji yo itilize?
Aktyelman mikwo rezo Enèji Pwòp yo itilize 3 sous enèji pou prodwi elektrisite:
1. Soley avek pano soley yo
2. Dyezel a trave yon delko
3. Batri, ki kapab estoke enèji ki pwodwi yo pou moun yo ka jwenn kouran kan pa gen soley.
​
Fonksyonman yon pano soley pou pwodwi enèji  ki sot nan soley la, se yon pwosesis ki pa two konplike pou konprann li. 
Ou vle konnen koman sa ka fet?
Ebyen gade video sa a pou w ka konprann plis. 
​

TI KONSEY POU PA GASPIYE KOURAN ... E  FE EKONOMIZE SOU KOB OU!

Genyen yon fason ki efikas pou konsome kouran an pou pa gaspiye li. Kan nou pa gaspiye kouran an, nou  konseve eneji ki mande kob ak anpil resous pou pwodwi yo. Anplis de sa, kan nou pa gaspiye kouran an, Li nan avantaj nou pou fe  ekonomi sou kob nap depanse pou kouran pwiske depans lan ap diminye tou. 
Swiv ti konsey yo pou w ka toujou konseve enèji a.